KORONADAL CITY-Kakulba sa gihapon ang nabatyagan sang pila ka mga residente nga nga puyo malapit sa Airport saBrgy.Bangkal,Patikul,Sulu bangud sa pag tibusok sang Philippine Air Force C-130H Hercules transport aircraft kahapon kun sa diin masobra 40 na ang kumpermado nga patay sa insidente.
Ini ang ginpakigbahin ni Alicia Jamdan, isa sa mga witness sa interview sang Bombo Radyo Koronadal. Suno kay Manang Alicia, tuman ka makatilingala nga makahaladlok ang tingog nga ila nabatian antes nag tibusok ang nasambit nga eroplano nga halin sa Cagayan de Oro kag ma-landing kuntani sa Brgy.Bangkal,Patikul,Sulo apang na miss sang piloto ang runway .
Dugang pa sini, normal lamang sa ila ang paglupad kag paglanding sang mga eroplano sa lugar apang sa makaligad ang pang hitabo, nangin makalaladlok na ini bangud kay ini ang una nga tion nga may nag-crash nga eroplano sa amu nga lugar.
Nagapangayo man ini sang bulig para sa mga residente nga apektado sang pag-crash sang Philippine Air Force C-130H Hercules transport aircraft labi na sa 2 ka balay nga ginapanag-iyahan sang pigado nga mga pamilya nga ang palangabuhian amu ang pagbungkal sang bato gid lamang.
