KORONADAL CITY-Tuman nga kakulba suno pa ang nabatyagan sang mga pinoy sa South Korea makaligad ang magnitude 5.4 nga linog kahapon.
Sa interbyo sang Bombo Radyo Koronadal kay Sweet Honey Salve, isa ka pinay nga yara sa Yeongyang, South Korea, pasado alas 2 sang hapon suno pa sang magluntad ang linog ukon pasado ala 1 naman sa Pilipinas.
Sentro sang linog ang nabagatnan nakatundan sang rehiyon kun sa ndiin ang epicenter sini ang may 9.3 kilometers sa Pohang South Korea.
Nagatulog suno pa sila sang makabatyag sang pagtay-og rason nga magpanaug sa mga matag-as nga edifisyo.
Nagapasalamat naman ini bangud luwas sila apang ginkumpirmar nga may yara sang mga edifisyo nga nagkalaguba ilabi na sa sentro sang linog sa Pohang, South Korea.
Kaangot sini, padayon ang monitoring sang mga otoridad matapos nga padayon suno pa sila nga makabatyag sang mga aftershocks nga kasubong ang kabaskog sa linog.
