KORONADAL CITY – Nag-upod man ang mga Pinoy sa pagtutok sa FIFA world cup final match sa tunga sang Argentina kag France.
Ini ang ginpahayag ni Mr. Ian Mark Ilagan, Bombo International Correspondent in Argentina sa interview sang Bombo Radyo Koronadal.
Suno kay Ilagan, mangin siya ang nagsuksok sang Jersey bilang pagsuporta sa team sang Argentina.
Sandig sa paglaragway ni Ilagan, halos indi matupungan ang kalipay sang mga Argentinians bangud sa kagahod sang palibot, nagpatigayon man sang fireworks display ang gobyerno kag magahod ang dalan bangud sa pagsinggitan, pagbusina sang mga salakyan kag pagpatingog sang mga torotot sang mga ini.
Halos tanan nga pwede buhaton sang mga taga Argentina agud ipakita ang kalipay sa kadalag-an sang team ang ila ginahimo.
Halos ang mga Pinoy nga yara man sa nasambit nga pungsod ang nagahimo sang paagi agud nga mapakita ang suporta sa team ni Leonil Messi lakip na ang pagkinanta.
May mga nakabutang man nga LED screens sa nagkalain-lain nga commercial establishment agud matutukan sang mga ini ang hinampang. Mangin si Ilagan ang nadulaan man sang tingog bangud sa pagsinggitan sang nakalamang ang Argentina kag nadeklarar na nga kampiyunato sa Fifa World cup 2022.
Gindugang man sini nga historical para sa mga yara sa nasambit nga pungsod ang pagkakuha nila sang kampiyunato subong nga tuig gani ginaprepararhan naman ang Thanks giving party kag ang grandiyoso nga pagwelcome sa pagbalik sang mmga football players sa ila nga pungsod.
