KORONADAL CITY – Ginpasiguro sang talatapan sang Department of Social Welfare and Development (DSWD-12) nga magapangatubang sa patong-patong nga kaso ang pila ka mga persona sa probinsya sang South Cotabato nga nakabaton sang social amelioration program sang makaduha ka bes.
Ini makaligad nakabaton sang impormasyon ang nasambit nga talatapan nga pila ka mga persona ang nakabaton sang P10,000 nga benepisyo sang SAP.
Ginpahayag ni DSWD-12 Regional Director Joel Espejo nga ila na nga ginapreparar ang kaso nga perjury kag estafa.
Dugang sang opisyal, maathag ini nga pagbayolar sa Bayanihan to Heal as One Act (RA 11469).
Base sa datos nga ginapanguyatan sang DSWD, ila na nga ginatumod ang nasambit nga mga persona makaligad nakabaton kag ginkuhaan sang laragway nga nakabaton sang P5,000 halin sa duha ka separar nga lugar.
