Wala naga kabalaka ang mga himata sang mga biktima sang drug war ni anay Presidente Rodrigo Duterte bangod sa ginahimo sang defense team nga pagkontra sa mga argumento nga una ginlatag sang prosekusyon sa nagapadayon nga confirmation of charges hearing sang anay pangulo.
Pahayag naman ni Sheera Escudero nga mabakod ang mga ebidensiya nga yara sa kamot sang prosekusyon batok sa kaso nga crimes against humanity sang anay pangulo.
Sigurado siya nga masabat sang prosekusyon ang mga argumento sang depensa, lakip na ang pagpresentar sang igo nga mga dokumento bilang sabat sa ginpakita sang legal team sang anay pangulo.
Bisan pa sa pagkontra sang depensa sa mga ginlatag sang prosekusyon, ginpabutyag ni Escudero nga indi sila matak-an sa pagpanawagan sang hustisya para sa iya manghod kag sa iban pa nga napatay sang war on drugs sang Duterte Administrasyon.
