KORONADAL CITY – Nakabaton na sang relief goods gikan sa provincial government sang Maguindanao ang madamo nga pamilya nga nagbalakwit matapos maipit sa away sa tunga sang duha ka grupo sa Talitay kag subong nagapabilin sa Barangay Butilen Mother Kabuntalan.
Ginpangunahan ni PDRRMO Nasrullah Imam ang pagpanghatag sang relief goods sa mga IDP’s sa lugar.
Ang ayuda nga ginbaton sang tagsa ka pamilya ang ginalakipan sang mga hygiene kit, sleeping mats, bugas, mga sardinas kag noodles.
Madumduman nga nagbakwit ang ginatos nga mga pamilya matapos nga maapektuhan bangud sa away ukon rido sang duha ka kilala nga pamilya sa nasambit nga banwa.
Magluwas sa Agila ng Maguindanao, PDRRMO kag Office of Civil Defense padayon man ang pagbulig sang LGU Kabuntalan sa mga evacuees.
