KORONADAL CITY – Nakigpulong na ang mga otoridad sa alkalde sang banwa sang Tantangan South Cotabato agud nga mas mapasangkad pa sang mga ini ang seguridad sa bug-os nga banwa kasunod man sang asud-asud nga serye sang krimen sa banwa sa sulod lamang sang isa ka semana.
Ini ang nangin pahayag ni Punong Barangay Edwin Cueva, Brgy. Poblacion, Tantangan South Cotabato sa interview sang Bombo Radyo Koronadal.
Suno sa iya, nakigsapol na ang mga ini sa pagpanguna ni Tantangan Mayor Timee G. Torres-Gonzales agud nga mag kreer sang mga panibag-o nga tikang agud nga masolbar ang mga krimen nga nagluntad sa banwa kag malikawan ang mga ini.
Una nga nagluntad nga pagpangluthang patay sa isa ka anay Kapitan sang Bukay Pait, Tantangan nga si Vice Mayoralty Candidate Bobot Osorio sa puluy-an sini mismo kag ang pagbuno patay sa isa ka senior Citizen sa diin ginsundan man sang pagpangluthang sa isa ka persona kag ang pagkadula ang isa ka lalaki nga mabakal lang kuntani sang kawayan sa ila nga lugar magluwas pa diri may mga napagkit man sang serye sang pagpangholdap sa banwa kag ang serye sang pagpanghaboy ang mga salakyan nga naga agi sa dalaonon.
Ginpahayag man sang kapitan nga mangin sila sa Poblacion ang nag kreer man sang pamaagi agud nga madasig nga maka responde sa tion sang mga insedente kag krimenalidad
