KORONADAL CITY – Tuman nga ginkalipay sang mga OFWs sa Taiwan ang pagkakas sang travel ban sa nasambit nga lugar.
Ini makaligad gin-anunsyar sang Inter-Agency Task Force for the Management of Emerging Infectious Diseases nga gilayon nga ipatuman ang nasambit nga kamandoan.
Suno kay Bombo international correspondent Mary Grace Lamata, tuman ang kalipay sang aton mga kasimanwa bangud makabyahe na sila pakadto kag halin sa nasambit nga estado.
Ginpahayag sini nga dako ang natuga nga impact sa mga Filipino ang nasambit nga travel ban kag kawad-an suno pa sang Pilipinas ang pagpatuman sini.
Ginadayaw sang mga Taiwanese employers ang mga kasimanwa naton bangud mas mapisan suno pa kita kumpara sa iban nga lahi.
Sa pihak nga bahin, ginmultahan naman sang Taiwanese government ang negosyante nga nagbalik sa Taiwan halin sa Wuhan, China.
Suno kay Lamata, 300,000 Taiwan dollar ukon masobra P500,000 ang ginpahamtang sa ginapatihan nga carrier sang coronavirus kun sa diin wala ini nagpacheck-up kag ginhungod suno pa nga ginapalapta ang balatian.
Nahibaloan nga 18 ang napagkit nga kaso sa nasambit nga lugar kun sa diin isa naman ang nag-ayo sa covid-19.
