Gina-awhag man subong ang mga Overseas Filipino Workers (OFW) ukon mga Pinoy sa guwa sang pungsod nga magbulig para madakpan ang pugante nga si anay Ako Bicol Party List Representative Zaldy Co.
Ini matapos ginpahayag ni Department of the Interior and Local Government (DILG) Secretary Jonvic Remulla nga posible nanago sa Portugal ang anay mamalidha kag posible nga nagagamit sang Portuguese passport nga madugay na niya nakuha kag ginagamit para makabiyahe sa Europa.
Wala pa man makumpirmar sang tiglikom kon regular nga Portuguese passport ang ginagamit ni Co ukon nag-avail ini sang golden visa program sa Portugal, nga nagahatag sang lima ka tuig nga residency permit sa mga indi EU citizens kapalit sang investment nga nagaabot 500,000 euros ukon P34 milyon.
Ginpasa man sang tiglikom sa Department of Foreign Affairs ang paghatag sang impormasyon may kaangtanan sa ginreport nga golden visa nga ginapanag-iyahan ni Co.
