KORONADAL CITY – Igapaidalom sa spiritual retreat ang mga pulis sa Police Regional Office-12 nga nagapangatubang sa mga kaso kag disciplinary proceedings.
Suno kay PRO-12 regional director Brigadier General Eliseo Rasco, igapadala ang nasambit nga mga nakasala nga mga pulis sa Our Lady of Lourdes Parish sa banwa sang Polomolok, South Cotabato para sa duha ka adlaw nga recollection.
Wala sini gintumod kun pila ka pulis ang ginpadala para sa spiritual retreat apang ginpahayag sini nga na-assign ang mga ini sa Regional Personnel Holding and Accounting Unit (RPHAU).
Dugang sang police general, tinutuyo sang nasambit nga aktibidad nga ma-boost ang morale sang PNP personnel sa pagpatuman nila sa ila obra.
Ang tema sa nasambit nga spiritual retreat amo ang ” Repentance, a Pathway to Forgiveness”, sa pagpanguna sang Regional Chaplain’s Office kag Regional Community Affairs and Development Division.
