KORONADAL CITY– Personal nga gindala ni 33rd Infantry Batallion, Philippine Army, Commanding Officer Lt. Col. Harold Cabunoc sa waragwagan sang Bombo Radyo Koronadal ang tatlo ka New Peoples Army nga ginakabig nga child warriors nga nagsungka sa militar.
Ang nasambit nga mga surrenderee ang nagapang edaron sang 25,18 kag 16 kun sa diin suno kay Col. Cabunoc magkasubong nga mga menor de edad pa sang nagsulod kag ginrecruit sang mga NPA agud himuon nga mga child warriors.
Sila ang magkasubong nga mga lumad nga gikan sa Probinsya sang Sultan Kudarat kag luyag suno pa nga magbag-o bangud sa kabudlay sang kabuhi nga gina eksperyensyahan sa kabukiran kag wala sang nagakalatabo sa mga promisar sang NPA sang sila ang gin recruit nga buligan nga bawion ang ila mga ancestral land, hatagan sang manami nga edukasyon kag iban pa.
Gin ako man sang mga ini nga sa ila lamharon nga edaadsadto, sila ang ginatudluan na nga mag uyat sang armas kag ginamanduan nga lutangon sin o man nga soldado ang ila masugata kag makit-an.
Kaangot sini ginkumpirmar ni Lt. Col. Cabunoc nga sila man kag mga kaupdanan nila ang gindala sang mga NPA sa syudad sang Kidapawan kag Koronadal sang ginpatigayon ang hubalg protesta sang nagligad nga tuig.
