KORONADAL CITY- Ginkalipay sang mga former New People’s Army rebels ang maayo nga balita nga dala sa ila sang Armed Forces of the Philippines nga sila ang pagabatunon sa bahin sang militar.
Sa ekslusibo nga interbyu sang Bombo Radyo Koronadal kay 1st Lt. John Arvin Maunahan tagpamaba sang 27th IB Philippine Army nga ang mga nagsungka nga mga rebelde nga NPA ang pagahimuon nga IP Soldiers sa probinsya sang South Cotabato.
Ang pinakamaayo pa dire amuh ang wala limit nga pagbaton sang IP Soldiers kag madestino ang mga ini sa lugar kun sa diin sila naghalin kasubong sa banwa sang Lake Sebu, sa banwa sang T’boli kag iban pa agud nga makabulig sa ila kasubong nga mga Lumad kag makabulig ang mga ini sa pagpabilin sang kalinong sa ila nga mga banwa nga ginhalinan.
Samtang nagpanawagan man si Lt. Maunagan sa mga rebelde nga NPA nga kadungan sang ila ika 50 nga anibersaryo padayon ang pagbaton nila sang mga NPA surenderees kag ipasiguro nga pagabuligan ang mga ini nga makabalik sa ila normal nga pagpangabuhi.
