KORONADAL CITY- Ginapasiguro ni Philippine Red Cross South Cotabato Chapter Board of Director Orly Dela Cruz nga indi mauyang ang dugo nga natipon sa nagtakop kag madinalag-on nga Dugong Bombo 2017 sang Bombo Radyo Philippines kag Star FM.
Nahibaluan nga makaligad ang madinalag-on nga blood letting activity sang Bombo Radyo sa syudad sang Koronadal, gintamyaw sang
Philippine Red Cross ang yara sa 240 ka mga bag-o nga mga baganihan nga naghatag sang ila dugo agud makasugpon sang kabuhi sang mga nagapanginahanglan sini.
Tuman naman ang kalipay sang mga blood donors hakin sa nagkalain-lain nga lugar sa South Cotabato kag iban pa nga bahin sang South Central Mindanao sang ila mahibaluan nga ang ila gindonar nga dugo ang magapadulong sa pila ka mga pilason nga suldado nga nakig-gyera sadto sa Marawi City batuk sa Maute-ISIS.
Kaangot sini nagpasalamat ang PRC bangud ang pinakadako kag pinakamadinuguon nga blood letting activity sang
Bombo Radyo Philippines kag Star FM sa bug-os nga pungsod ang nangin dalan agud mabuligan ang mga biktima sang nagkalain-lain nga kalamdad.
