KORONADAL CITY – Natalana nga magtililipon ang nagkalain lain nga religious sector sa probinsya sang South Cotabato agud ipanawagan ang pagpauntat sa asud-asod nga pagpang atake sang ginapatihan nga rebelde nga grupo nga amuh ang New People’s Army.
Base kay South Cotabato Governor Daisy Avance Fuentes, posible sa ikaduha nga semana sa enero sa magasunod nga tuig igapatigayon ang rally of peace sang mga muslim, lumads kag kristyano agud ipanawagan nga untaton na ang kinagamo sa lugar.
Nahibaluan nga ginakabalaka na ang asud-asod nga pagpang sunog sang mga bus kag heavy equipments sa probinsya kun sa diin tuman ka dako na ang pagkalugi nga napagkit.
Ang igapatigayon nga rally of peace ang pagpakita sang suporta sa nagkalain-lain nga sektor nga may isa nga tinutuyo nga amuh naman ang mapabilin ang kalinong sa probinsya.
Nahibaluan nga kasunod sini, ginpasakaaan na sang kaso nga arson sa sala ni Hon. Arnold Cruz si Roque C. Norba alyas Bobo Henobra kag 8 ka iban pa nga mga kaupdanan sini nga myembro sang NPA Guerilla front 72.
