KORONADAL CITY- Ginpaklaro ni 6th Infantry Division Philippine army spokesman Lt. Col Edwin ALburo nga indi show of force ang natabo sa ginpatigayon nga aktibidad sang pila ka mga miyembro sang Moro National Liberation Front ukon MNLF sa Buluan Gymnasium sa Buluan, Maguindanao.
Ginpahayag ni Col. Alburo nga ang natabo ang isa ka peace rally para sa ila ginaduso nga Pederalismo kun sa diin may yara sang 37 ka mga miyembro sang MNLF ang naka uniporme kag nakasukbit sang armas luthang.
Bangud sini gilayon nga ginresponderan sang mga katapo sang militar ang nasambit nga aktibidad kag ginpaathag sa mga miyembro sang MNLF nga nagalapas sa kasugtanan sang gobyerno sang pungsod kag sang MNLF ang pagdala sang mga armas kag pasuksok sang ila uniporme.
Bangud sini boluntaryo naman nga ginsungka sang mga miyembro sang MNLF ang ila mga armas kag ginkakas ang ila uniporme.
Naglab-ot naman sa masobra 250 ang nagtambong sa nasambit nga aktibidad sang MNLF.
Sa karon ginturnover na sa negotiating panel ang mga armas luthang para sa nagakaigo nga disposisyon.
