KORONADAL CITY– Gina-ulan na sa karun sang palamangkutanon ang Bombo Radyo Koronadal kun paano nila mabawi ang ila kwarta nga gin-invest sa Kabus Padatuon ukon KAPA Community Ministry International.
Nahibalyan nga sa karon wala ang presensiya sang founder sang KAPA nga si Joel Apolinario sa probinsiya kag sarado ang tanan nga mga talatapan sini kag mas nag doble ang kabalaka sang mga investors bangud man sa asud-asod nga mga raid sa puluy-an sang KAPA founder kag mga talatapan sini sa Mindanao kag iban pa nga bahin sang pungsod.
Madamo ang nagpalab-ot sang kabalaka nga tigayon na sila nga wala mabawi nga kwarta kun sa diin isa suno pa nga member sang KAPA nga traysikel driver ang naghilibion bangud sa kabalaka sini angot sa iya gin invest nga P30,000 nga ginpangabudyan kag gin invest sa KAPA.
Madamo man sang mga nag-utang pa sa lending companies agud maka pay-in sa KAPA nga problemada na subong bangud wala na sang ginalauman nga pambayad makaligad magsarado ang KAPA.
