KORONADAL CITY-Nagpaandam ang Department of Agriculture Region 12 sa posibilidad sang masami pagbubo sang ulan kag pagbaha sa bug-os nga Rehiyon mangin sa pungsod.
Sa impormasyon nga ginpaguwa sang DA 12, subong nga bulan sang Nobyembre kag sa madason nga binulan lauman nga makaangkon sang La Niña.
Base sa datus sang Philippine Atmospheric, Geophysical and Astronomical Services Administration ukon PAGASA, yara sa kapin 70% ang tyansa nga makaangkon sang La Niña sa pungsod tubtub sa una nga quarter sang tuig 2018.
Dugang pa sang Philippine Weather Bureau, mabatyagan sa bug-os nga pungsod sa Desyembre ang above normal rainfall base sa mga international weather centers.
Kaangot sini, ginlaygayan na sang Department of Agriculture Region 12 ang tanan nga mangunguma nga maghanda para sa mangin epekto sang malain nga paniempo
