KORONADAL CITY– Ginabasol sang mga katutubo sa ginaduso nga coal mining sa Brgy. Ned Lake Sebu South Cotabato ang natabo nga maduguon nga engwkentro sa tunga sang 33rd IB, 27th IB kag rebelde nga NPA.
Sa interbyu sang Bombo Radyo Koronadal kanday Dina Ambag kag Lita Wali, mga utod sang napaty nga tribal leader sang Sitio Datal Bonglangon nga ginpahayag lider sang tribal militia sang NPA sa Brgy. Ned Lake Sebu, ugat suno pa sang kinagamo ang ginaduso nga coal mining kun diin si Datu Victor ang nagpanguna sa protesta batuk sa pagpatukod sang nasambit nga proyekto sa lugar.
Ginpanginwala man nila nga nagtipyok sa NPA si Datu Victor kag ang mga napatay nga myembro sang pamilya sini nga baliskad sa ginpresentar nga video sang 33rd IB nga armado ang mga ini sang natabo nga engkwentro sang nagligad nga Disyembre, 2017.
Kasunod sini, nagpaandam sanday Ambag kag Wali sa mas malala nga pinatyanay nga magluntad kun madayon ang nasambit nga proyekto nga nagaguba sa ila nga ancestral domain.
Nagapanawagan naman ang mga ini kay Pres. Rodrigo Duterte nga buligan sila nga mabalik ang ila ancenstral domain nga ginaangkon man suno pa sang isa ka dako nga kumbuyuhan.
