KORONADAL CITY- Ginkumpirmar ni Department of Labor and Employment o DOLE 12 Regional Director Sisinio Cano nga nag-apela na sa ila nga talatapan ang mga kumbuyuhan halin sa rehiyon 12 nga nalakip sa listahan nga ginpagwa sang DOLE angot sa notorious nga Labor Contracting only companies.
Nahibaluan nga sa rehiyon 12 naglab-ot sa 5 ka mga kumbuyuhan ang nalakip sa listahan nga ginakabug-usan sang DOLE Philippines Inc, Cannery, Polomolok South Cotabato na mayroong 10,521 contractual employees, KCC Property Holdings Inc, Lagao General Santos City na ma 1,802 contractual employees, Sumifru Philippines Corp, T’boli South Cotabato nga may 1,687, Dolefil Upper Valley Operations, Surallah South Cotabato nga may yara sang 1,183 kag DOLE-Stanfilco, Crossing Rubber Tupi, South Cotabato na mayroong 1,131 contractual employees.
Suno naman kay Director Cano, tanan nga kumbuyuhan nga mga ini ang nakasumiter na sang ila nga apela makaligad nga makabaton sang order halin sa DOLE nga i-regularize ang ila mga empleyado kun sa diin isa na dire ang may resolusyon kag nasunod na sa mandato sang DOLE apang ang iban ang nagahulat na lamang sang mangin deisisyon ni Labor Sec. Silvestre Bello III bag-o pa ini mangin final and executory kun sa diin wala sang motion for reconsideration nga igapatuman sa tion nga magwa na ang nasambit nga desisyon.
