KORONADAL CITY – Ginahangyo subong sang pila ka mga investors sa South Cotabato nga mabalik na ni Kabus Padatoon founder Joel Apolinario makaligad ini nga madakpan sa Surigao del Sur, matapos nagpain ang mga ini sang dalagkoan nga mga balor sang kwarta antes ginpasirado.
Suno kay alyas Jay, isa ka mangunguma sa banwa sang Polomolok, nga nagpain ini sang kabug-osan nga P105,000 sa nasambit nga investment scam kun sa diin nagpati ini nga dako ang makuha sini apang tuman ang iya kanugon sang ginpasirado ini sang Securities and Exchange Commission (SEC).
Ginbuyagyag sini nga wala siya sang may nakuha ni sentimos sa iya ginpain nga kwarta.
Sa subong luyag lamang sini nga mabalik ang kwarta nga gin-invest sini sa KAPA subong nga nadakpan na si Apolinario.
