KORONADAL CITY-Ginpahayag ni Bangsamoro People’s Congress chief Muslimin Sema nga dako ang mangin epekto sa ekonomiya sang Mindanao ang pagpatuman sang Bangsamoro Organic Law.
Sa ekslusibo nga interbyu sang Bombo Radyo Koronadal kay Sema, isa ang inclusive economic growth sa mahatag sang BOL ilabi na nga maga-angkon na sang kalinong kag mauntat na suno pa ang giyera kun sa diin indi na mahadlok ang mga investors nga magbubo sang ila negosyo sa rehiyon.
Bangud sini, mangin ang mga kalapit nga mga lugar kasubong sang North Cotabato, Sultan Kudarat kag South Cotabato ang makabenepisyo man sa pag uswag sang ekonomiya ilabi na kag madamo sang oportunidad ang magabukas sa BARMM kun sa diin ang mga kalapit nga lugar ang mahatagan man sang patas nga oportunidad nga makatrabaho sa rehiyon kag makaistar sa teritoryo sang Bangsamoro.
Kaangot sini, ginpasalmatan man ni Sema ang mga suporta nga nabaton sang BOL halin sa nagkalain-lain nga mga probinsiya.
