KORONADAL CITY- Gindulhog sa Bombo Radyo Koronadal sang isa ka ginang ang kalain sang buot sini kag sang mga kasubong man nga mga babayi angot sa na-eksperyensyahan suno pa nila nga paglapas sa tawhanong kinamatarong sang nagbisita sa South Cotabato Provincial Jail.
Sa ekslusibo nga interbyu sang Bombo Radyo Koronadal kay Maryam Mohamed, isa ka Overseas Filipino Worker, residente sang Surallah South Cotabato kag bag-o lamang nagbalik sa pungsod, nahuna-hunaan suno pa nila sang iya utod nga bisitahon sini nga nakaligad nga adlaw ang isa pa nila ka utod sa Provincial Jail nga nakapreso sa sulod na sang 3 ka tuig bangud sa iligal nga droga.
Apang tuman na lamang ang ila nga kakibot sang nagsulod sila sa isa ka kwarto kaupod ang pila ka mga babayi nga Muslim mangin na ang mga katigulangan kag dululungan nga ginpahublas bilang kabahin suno pa sang hugot nga inspeksyon.
Suno kay Maryam nagapati ini nga ginlapas suno pa ang ila tawhanong kinamatarong kag tuman nga kahuy-anan ang ila naaguman ilabi na nga naghalin sila sa isa ka konserbatibo nga kultura kag wala man lamang ginkonsiderar ang ila mabatyagan nga ginpahublas sila sa atubang sang jail guard.
