KORONADAL CITY-Ginkaalarma na sang PNP ang mga nagadamo pa nga mga investment schemes sa bug-os nga probinsya sang South Cotabato.
Sa interbyu sang Bombo Radyo Koronadal kay Police Lt. Col. Joel Limson, provincial director sang South Cotabato, ginpahayag sini nga nagsulat ang ila nga talatapan sa mga local chief executive sa banwa sang Surallah, Koronadal kag Polomolok South Cotabato agod nga mapauntat na angh mga napagkit nga mga investment schemes.
Suno kay Limson naglab-ot na sa lima ka mga investment companies ang ila nga nalibot sa syudad sang Koronadal, lima sa banwa sang Polomok kag duha naman sa banwa sang Surallah sa nasambit nga probinsya.
Ginkumpirmar man ni Limson nga wala sang nagakaigo nga business permit ang nasambit nga investment companies nga kun sa diin ila na nga ginaconsolidate subong nga semana.
Kaangot sini, gina awhag man sang South Cotabato PNP ang mga LGUs agod tigaon na nga mapa untat ang iligal nga aktibidad nga ini kag agod indi na magdamo pa ang mga bitima.
