KORONADAL CITY – Ginpanginwala ni Brgy. Namnama Kapitan Joel Damo ang akusasyon nga himata sini si Pastor Joey Gabac, ang ginapatihan nga nagpatukod sang isa ka satellite office sang ALAMCO sa ila sini nga barangay.
Ini makaligad nga nag tuhaw ang isyu nga letter G suno pa ang middle name sini nga nangin kabangdana nga naulamid ini sa nasambit nga pastor.
Sa interbyu sang Bombo Radyo Koronadal kay Brgy. Namnama Kapitan Joel Damo , ginpaathag sini nga Garingo ang iya nga middle name kag wala sila sang konesyon.
Samtang sa pihak nga bahin , ginbuyagyag sini magluwas sa ALAMCO, may naga operate sa gihapon sa ila barangay sang mga investment scam kasubong sang MM kag NMC nga lunsay nga gina-manage suno pa sang pastor.
Nagapanawagan man ang nasambit nga opisyal saiya nga nasakupan nga makipag angot lamang saila talatapan sa luyag magsang-at sang reklamo batuk sa legalidad kag kwarta nga nakuha sini saila.
