Amat-amat na nga nagaibwal ang mga hublag protesta sa pila ka mga estado sa Amerika matapos ang kontrobersyal nga eleksiyon sa tunga nanday President Donald Trump kag challenger nga si Joe Biden.
Suno kay Bombo international correspondent Maricel Tomaszewski sa Chicago, Illinois, nagtipon ang mga raliyesta sa Daily Plaza building kag ginpanawagan sang pro-Biden supporters ang pagpadayon sang pag-isip sang mga boto kag ginademanda naman ang pag-concede kag pagpanaug sa pwesto ni Trump.
Suno kay Bombo international correspondent Jelin Dohina Asamoah sa bahin sang New York, nanin magarot na demonstrasyon kun diin ginasunod na sang mga raliyesta ang mga kagamitan samtang nagasinggitan sang “Count Every Vote” kag “Trump Out”.
Samtang, ginalauman nga karon sa gab-i ukon sa kaagahon oras sa Pilipinas mahibaluan na ang resulta sang eleksiyoan sa estado sang Nevada kag sa tion nga makuha ini ni Biden, maangko na sini ang 270 ka electoral vote.
