KORONADAL CITY– Magapangatubang sang nagkalainlain nga mga kaso ang ginakabig nga frontliners sang Kabus Padatuon Community Ministry International sa liwat naman nila nga pagpangganyat kag pagpalapta sang impormasyon angot sa suno pa pag operate na sanng ila investment group.
Nahibaluan nga sa syudad sang Koronadal, naga operar sa liwat ang radyo nga ginapanag-iyahan suno pa sang KAPA kun sa diin ang mga katapo sini ang padayon sa pagpangganyat sa mga miyembro nga magabalik na ang KAPA sa ila operasyon anuman nga oras.
Suno kay Atty. Francis Carlos, klaro ang stoppage order nga ginpagwa sang korte sa operasyon sang KAPA kag nagakadapat sundon ini kun sa diin ginhatagan punto sini nga sin-o man nga magalapas sa nasambit nga kamanduan sang korte ang magapanabat sa laye.
pa nga kasubong ginagisa lamang sang mga frontliners sang KAPA ni Joel Apolinario ang ila kaugalingon sa ila mantika bangud mas makaangkon sang mabakod nga ebidensya kag matumod sila sang mga otoridad ilabi na sang National Bureau of Investigation ukon NBI nga nagpo-promote sa nasambit nga investment scam.
Kaangot sini dapat suno pa mangin leksyon na sa mga pumuluyo nga maglikaw na sa nasambit nga iligal nga hilikuton bangud madamo na ang nabiktima.
Madumduman nga ginmanduan mismo ni Pres. Rodrigo Duterte ang pagpasarado sa KAPA nga gintawag sini nga continuing crime.
