Nangin apektado sang panibag-o nga fish kill ang mga fish cages sang tilapia sa Lake Sebu, South Cotabato bangud sa malainnga paniyempo dala sang Bagyong Kristine labi na sa mga Barangay Poblacion kag Bacdulong.
Ini ginkumpirmar ni Mr. Rudy Muyco, Lake Warden sa interview sang Bombo Radyo Koronadal.
Suno kay Muyco, naglunsar sang emergency harvest ang mga nagapanag-iya sang fish cages agud malikawan nga mas damo ang maapektuhan sini kag mabaligya pa sa mga nagahulat nga buyer sa nasambit nga lugar.
Dugang pa ni Muyco, ang malain nga paniempo ang isa ka rason sang kamahong ukon fish kill bangod ma suffocate ang mga tilapia sa tubig.
Sa karon, padayon sa gihapon ang monitoring kung pila ang datos sang naapektuhan sang kamahong kun diin may yara sang inisyal nga 10 tons ang napaidalom na sa emergency harvest.
Kadungan sini, nagapanawagan man ang mga ini sa kung sin-o ang gusto magbakal sang tilapia nga negotiable ini amo man sa mga investors sang aqua culture sang Lake Sebu.
