Nagsaka pa sa halos 5 million ang numero sang mga deactivated voters nga posible nga indi makaboto sa 2025 midterm elections.
Sandig sa datos gikan sa Commission on Elections, nagguwa nga yara sa kabug-usan nga 4,903,415 botante ang na-deactivate sang Abril 15.
Ginalauman naman nga magasaka pa ang nasambit nga numero bangud yara sa 98.82 pa lamang sang data ang nasumiter sang Election Registration Board.
Paathag pa sang poll body nga mayorya ukon yara sa 4.90 milyong botante ang nadeactivate bangud sa kapaslawan nga makaboto sang naglabay nga duha ka eleksiyon.
Ang iban ang nadulaan sang filipino citizenship kag bangud sa court rulings.
Samtang, suno kay Comelec chairman George Garcia, mahimo nga magsumiter ang mga deactivate voter sang application para sa reactivation sa nagapadayon nga voter registration.
