KORONADAL CITY- Ginbuyagyag ni 33rd IB Battalion Commander Lt. Col Harold Cabunoc sa Bombo Radyo Koronadal nga indi lamang gina-usar sang New People’s Army ang ila mga Child Warriors agud makig-gyera apang ginamolestiya man nila ang mga ini.
Sa ekslusibo nga interbyu sang Bombo Radyo Koronadal kay Col. Cabunoc, gin ako sang mga nagsungka nga NPA Child Warriors halin sa probinsya sang Sultan Kudarat nga ginamolestiya sila sang platoon leader nga si Ka Yoyo Braganza sa oras nga luyag sini nga usaron sila.
Nahibaluan nga ginbuyagyag man sang mga anay child warriors nga si Ka Yoyo nga amuh leader sang Platoon Samsung nga subong ginpangalanan na sini nga Platoon Arabo ang isa ka bakla nga nagapang molestiya sa ila bag-o sila ipadala sa gyera.
Ginkondinar naman sang mga lider sang tribo nga Manobo ang ginahimo sang NPA sa ila mga kabataan kun sa diin nagpanawagan na man ang mga ini nga magbalik sila sa gobyerno kag indi magpatonto sa mga promisa sang NPA nga puro kabutigan.
Samtang natalana naman nga pasakaan sang kaso si Ka Yoyo bangud sa mga pagpang-abuso sa mga kabataan.
