KORONADAL CITY- Nagdeklara sang suspensyon sang klase ang nagkalain-lain nga munisipyo sa Cotabato province bangud sa padayon nga pagbuhos sang ulan halin pa kagab-i.
Ini ang kumpirmasyon ni Ms. Jorie Mae Balmediano, Information Officer ng Office of the Civil Defense (OCD) 12 sa interbyu sang Bombo Radyo Koronadal.
Suno sa iya, ang lugar sang Aleosan, Pigcawayan, Pres. Roxas, Magpet kag Kidapawan City ang nagdeklara sang suspension sang klase sa tanan nga lebel (both private and public) bangud sila ang wala untat nga nakaeksperyensya sang pag-ulan// Ginpahayag sini nga sila ang padayon nga naga monitor agud mahibaluan kung magalala bala ang sitwasyon sa pihak sang dala nga Localized Thunderstorm.
Ginpasiguro sang ila nga talatapan nga mahatagan gilayon sang nagakaigo nga pre-emptive measures ang mga residente bangud nahibaluan nga ang mga nasambit nga lugar ang tuman ka prone pag abot naman sa kalamidad.
Sa karon, padayon man ang ila nga pagpnawagan sa tanan ilabi nga magdoble halong gid bangud sa posible pa nga pagsulod sang bagyo sa Philippine Area of Responsibility.
