KORONADAL CITY – Naglab-ot sa 23 indibidwal ang personal nga nagpadulong sa waragwagan sang Bombo Radyo agud magpangayo sang bulig makaligad mag-invest sa ALAMMCCO kag wala pa sang may nabalik bisan piso sa ila humalin sang nagsirado ini.
Suno kay Alyas Linda isa sa mga nasambit nga reklamante, ginkilala nila sa nagpangalan nga Pastor Joey Gabac ang suno pa nagpatukod sang satellite office sang nasambit nga investment scam sa Brgy. Namnama, Koronadal City.
Ginpakigbahin sini nga kapin P3 milyon ang ila nga gin-invest sa nasambit nga pastor.
Luyag sang mga ini nga manabat ang nasambit nga pastor kag ibalik ang kwarta nga indi suno pa donasyon kun pagatawgon apang isa ka ‘money back guarantee’ ang ginpromisa sa ila.
Humalin sang nakaligad nga tuig, nagalaum sila nga bisan paano may mabaton sila nga kwarta sa ila ginhulog, makaligad ila ginbaligya ang pila sa ila nga mga propedad agud mag-invest diri.
Nagsang-at man sila sang kaso batok sa mga suspek pinaagi sa NBI apang tubtob sa subong wala sa gihapon sang aksyon sa nasambit nga reklamo.
Sa subong hangyo na lamang sang mga ini nga mabalik ang ila kwarta kag mapamatud-an nga nakasala ang mag-ulutod nga Gabac bangud sa naangkon nga kwarta nga nakuha sa nasambit nga investment scam.
