KORONADAL CITY – Nabalaka sa subong ang Commission on Elections (Comelec) South Cotabato sa mga barangay sang duha ka banwa nga suno pa ginakabig nga areas of concerns bangud sa presenya sang mga rebelde nga NPA.
Ini ang ginpahayga ni Atty. Jay Gerada, Commission on Elections supervisor sang South Cotabato.
Suno kay Gerada, kumpirmado ang sightings sang mga armado nga grupo sa boundary areas sang Lake Sebu kag Tboli rason nga hugot nga monitoring ang ginapatigayon bangud sa posible nga kalakasan nga matabo sa palaabuton nga Barangay kag Sangguniang Kabataan (SK) elections.
Dugang pa sini nga ang mga barangay sa nasambit nga mga banwa ang may natabo nga engkwentro sa tunga sang mga suldado kag NPA kun diin may mga ginbawian sang kabuhi sa engkwentro.
Tubtob sa subong, may nakit-an sa gihapon sang presensiya sang mga rebelde ang nasambit nga mga barangay bangud sa intensified intelligence kag security operation.
Apang, ginpasiguro naman sang kapulisan kag mga suldado sa probinsiya nga nakalatag na ang ila nga security measure agud nga masiguro nga luwas ang mga pumuluyo.
