KORONADAL CITY – Gilayon nga nagsuspinder sang klase ang pila ka banwa diri sa probinsya sang South Cotabato kasunod sang ginalauman nga pagpanalasa sang typhoon Chedeng diri sa Mindanao.
Sa interbyu sang Bombo Radyo Koronadal kay Provincial Disaster Risk and Reduction Management Office (PDRRMO) chief Mila Lorca, suspendido ang mga klase sang Tupi kag Polomolok sa kindergarten kag elementary samtang tanan naman nga level sa T’boli, Tantangan, kag Sto Nino sa mga pribado kag pampubliko nga mga buluthoan.
Naglagas man sa pagsuspinder sang klase ang mga banwa sang Tampakan, Surallah, Norala, kag Lake Sebu.
Sa subong yara sa blue alert ukon monitoring status pa ang probinsya bangud sa nasambit nga malain nga paniempo.
Samtang ginpahayag ni CDRRM officer at city administrator Cyrus Urbano nga suspendido ang klase sa pre-school kag elementary levels sa private kag public schools.
Kaangot sini, ginpahanumdoman ni Lorca ang mga residente nga magpamati sa radyo kag mga otoridad agud mapabilin nga luwas.
