KORONADAL CITY- Nadugangan pa ang mga banwa sa South Cotabato nga nagsuspender sang klase subong nga adlaw.
Naglab-ot sa 6 ka banwa sa probinsya ang nagsuspender sang klase bangud sa mabudlay nga pagsulod sang mga estudyante sa klase bangud sa naeksperyensiya nga mabaskog nga pag-ulan.
Kalakip sa mga nagsuspender sang klase sa all school levels ang banwa sang T’boli kag Sto. Niño kag wala naman sang klase sa pre-school kag elementarya sa mga banwa sang Surallah, Banga, Tupi kag Polomolok kag may pila naman ka Sitio kag mga barangay sa Koronadal nga nagsuspender sang klase.
Samtang, ginpahayag ni PDRRMO Action Officer Mila Lorca nga may napagkit man nga landslide sa banwa sang Tampakan kun sa diin padayon pa ang ginapatigayon nga occular inspection sang mga otoridad
