KORONADAL CITY- Naglab-ot na sa masobra 55 ka mga puluy-an ang napagkit nga naguba makaligad ang pananalasa sang mabaskog nga hangin kag ulan sa syudad sang Koronadal.
Ini ang ginpagwa nga assessment sang Koronadal City Disaster Risk Reduction and Management Office kun sa diin maluwas sa nga naguba nga puluy-an; may mga hinupatan kag ektarya sang nanamom man ang apektado kag naguba.
Samtang sa pihak nga bahin, nagpadulong sa waragwagan sang Bombo Radyo Koronadal ang isa ka pamilya nga naguba ang puluy-an makaligad nga matiphagan sang sang dako nga kahoy sang mangga agud magpangayo sang bulig kun sa diin suno kay Gng. Nanette Parcon, wala nga sila sang puluy-an kag kasamtangan nga nagatinir sa puluy-an sang isa ka kagawad sa brgy. kagawad sa Brgy. Sto. Niño sa sini nga syudad.
Emosyonal naman ang pamilya Parcon sang ginbalikan sini ang makaharadlok nga trahedya apang sa pihak sini, nagpasalamant sila bangud luwas sila nga nakagwa sa ila puluy-an.
