Mga bala sang armas, nakumpiskar sa search warrant sang kapulisan

Naaresto sang mga otoridad ang isa ka lalaki matapos makumpiskahan sang mga bala sang armas sa ginpatigayon nga search warrant operation sang kapulisan sa Brgy Morales, Koronadal City, South Cotabato, alas-6:30, Martes sang aga, Disyembre 17, 2024.

Ginkilala sang mga kapulisan nagikan sa Koronadal City Police Station ang suspek nga si alyas “Alexandrio” nga residente sang nasambit nga lugar.

Nakuha sa posisyon sini ang 281 ka bala sang 5.56 green tip, anum ka bala sang Cal.45, isa ka bala sang 7.62 kag isa ka plastic M16 magazine.

Sa subong, yara na sa kustodiya sang kapulisan ang suspek kag natalana nga pasakaan sang nagakaigo nga kaso.