KORONADAL CITY- Nagsugod na ang paglibot sang 12 ka mga Apostoles sa syudad sang Koronadal sa pagsulod na sang Semana Santa.
Sa ekslusibo nga interbyu sang Bombo Radyo Koronadal kay Antonio Española nagatindog bilang San Pedro kaupod sa 12 ka mga Apostoles nga sa edad sini nga 79 anyos, padayon ang iya nga pagpanerbisyo sa sulod na sang 40 ka tuig.
Tinutuyo sang pagpakigbahin sini sa tuigan nga semana Santa amuh ang pagbulig sa mga kauturan nga magpamalandong kag magtabog sa mga yawa nga yara sa palibot kag maghalad sang pangamuyo.
Nahibaluan nga apisar may yara ini sang balatian padayon sa gihapon ang iya nga pagpanerbisyo.
Pila sa mga eksperyensya sini nga indi malipatan sa kada semana santa amuh ang indi pagpasaka sa ila sang mga indi katoliko sa mg puluy-an samtang ginakalipay man nila ang mga deboto nga mabaskog sa gihapon ang pagtuo sa mahal nga maka-ako.
Samtang sa pihak nga bahin nagpaningkamot man apisar pigado si Felix Española agud nga makigbahin sa tuigan nga paglibot sang mga apostoles kun semana santa.
Sa interbyu sang Bombo Radyo Koronadal kay Felix na humalin sang 27 anyos pa lamang ini sa syudad sang Davao tubtob sa nag edad na ini sang 65 anyos nagasali gid ini agud mangin apostoles sa kada semana santa apisar masako sa uma.
Nahibaluan nga 30 ka tuig na ini nga nagapakigbahin kag ginapabugal sini nga sya isa ka deboto nga katoliko.
Nahibaluan nga ang mga apostoles sa kada semana santa ang may dako nga papel sa pagpakita sang kultura kag debosyon sang mga katoliko sa kay Hesu Kristo kag sa mahal nga maka-ako.
Ang ila nga tinutuyo amuh ang paghatag sang ligwa sa pagpanawagan sang kalinong sa kalibutan.
