Madinalag-on nga nagbalik sa sabakan sang gobyerno ang mga anay rebelde nga miyembro sang Bangsamoro Freedom Fighters kag Dawlah Islamiyah Hassan Group sa mga banwa sang Datu Unsay, Datu Saudi Ampatuan, kag Datu Hoffer, Maguindanao del Sur.
Bitbit sang mga ini sa ila nga pagsungka ang napulo ka mga matag-as nga kalibre sang mga armasluthang nga ginalakipan sang 4 home-made Barret rifles; 1 R4 rifle; 1 Garand rifle: 2 M203 grenade launchers kag duha ka mga 60mm mortars
Bilang suporta naman sa ila nga pagbalik sa sabakan sang gobyerno, nagbaton ang mga nagsungka nga mga rebelde sang mga bugas kag financial assistance sa Lokal nga gobyerno sang nasambit nga mga banwa partikular na sa MPOS-BARMM kag Provincial Government sang Maguindanao del Sur.
Ang seremonya sang pagsungka ang ginpangunahan sang 90th Infantry Battalion, 6ID, PA, kaupod man ang 601st Infantry “UNIFIER” Brigade kag mga lokal na gobyerno.
Gindayaw naman ni BGEN Edgar Catu, commander sang 601st Infantry “UNIFIER” Brigade, ang mga rebelde sa desisyon sang mga ini nga pilion ang kalinong sa ila nga lugar.
Naga padayon naman ang pagpang-ganyat sang mga katapo sang militar sa tanan nga mga nabilin pa nga pwersa sang mga rebelde nga magbalik na sa sabakan sang gobyerno kag ipanaog na ang mga armas nga ginauyatan sang mga ini.
