Nagsentro ang mensahe sang obispo sang Diocese of Marbel kadungan sang pagsug-alaw sang bago-ng tuig sa paglaum pinaagi sa luyag nga matabo sang mahal nga makaako kag indi sa pangkaugalingon nga konsepto sa biskan sin-o man nga indibidwal.
Ini ang isa man sa mga ginpaabot nga mensahe ni Bishop Cerilo Casicas D.D sang Diocese of Marbel sa homiliya sini sa Christ the King Cathedral sa atubang sang mga tawo.
Suno sa iya, nagakaangay nga magpanglakaton kita nga naga suno sa luyag ukon plano sang mahal nga makaako.
Gindugang pa sini nga naga kaangay nga magpangita ang isa ka indibidwal sang gagmay nga kasanag sa pagpanglakaton sa aton nga kinabuhi,sa atun nga pamilya, sa gina ubrahan ukon bisan pa sa pulitika , sa ekonomiya kag sa kina-iyahan.
Bangud suno pa sa iya ang mga dyutay nga mga sparks of hope ang halin sa ginoo bangud nangin tawo man ini.
Gintalakay man sini ang pagkilala sa boundary sang mga butang nga dapat nga respetuhon kag dapat nga kilalahon sang kada isa
