KORONADAL CITY – Pilason nga gindangat sa hospital ang isa ka menor de edad matapos nga maigo sang bala sa Sitio Supon, Barangay San Jose, Koronadal City.
Ginkilala ang biktima kay alyas “Ken” nga residente sang sang nasambit man nga lugar.
Sandig sa imbestigasyon sang Koronadal City PNP, samtang papuli na ang biktima kaupod ang iya utod gikan sa Poblacion sang siyudad nag-agi ang mga ini sa lower supon sang hinali na lamang nga ginpalukpan sila sang duha ka persona nga nagabantay sang sinako nga humay.
Suno kapulisan, posible nga nasal-an nga kawatan ang mga biktima rason nga natiruhan ang mga ini.
Maayo na lamang kay sa bahin sang kili-kili lamang naigo ang biktima kag maswerte nga kibwas lamang.
Gilayon naman nga nakaguwa sa hospital ang biktima matapos malimpyuhana ng iya nga pilas.
Samtang, luwas naman sa kapahamakan ang utod sini.
