KORONADAL CITY – Patay ang isa ka menor de edad samtang pilason naman ang upod sini matapos nga mabungguan sang isa ka salakyan sa banwa sang Polomolok, South Cotabato.
Ginkilala ang napatay nga si alyas Maria, 13 anyos nga residente sang Roca Subd. New Society, Brgy Apopong, Gen, Santos City samtang ang pilason amo si alyas Aybel,13 anyos nga residente naman sang Prk. 1, Brgy Crossing Palkan, Polomolok, South Cotabato.
Sandig sa imbestigasyon sang Polomolok PNP, alas-5:45 kaina sang aga sang nagikan sa Datu Piang, Maguindanao padulong sa General Santos City ang Toyota Landcruiser SUV nga ginamaneho ni Albasher sang pag-abot sa banwa sa national highway atubangan sang Brgy Hall sang Crossing Palkan, Polomolok sang aksidente nga nabungguan sini ang nagtabok nga mga kabataan.
Gilayon naman nga gindala sa Polomolok Municipal Hospital ang duha ka biktima apang gindeklarar nga dead on arrival si alyas Maria samtang nag-angkon naman sang mga pilas sa lawas ang upod sini nga si alyas Aybel.
Sa kasamtagan, nakaangkon na sang settlement ang duha ka bahin nga involbado sa aksidente sa dalanon.
