Yara na sa kustodiya sang mga otoridad sa banwa sang Midsayap ang isa ka menor de edad nga suspek sa pagpangmotornap matapos nga maaresto sang kapulisan sa Poblacion 8, Midsayap, Cotabato.
Ginkilala ni P/Lt Col. Realan Mamon, hepe sang Midsayap MPS, ang naaresto nga si alyas Jay, 16 anyos, residente sang Barangay Labio, Northern Kabuntalan.
Dugang pa ni LtCol. Mamon, isa ka tawag ang ila nabaton angot sa insidente sang pagpangmotornap gani nagresponder ang mga ini.
Gilayon nga nagpatigayon sang hot pursuit operation ang alert team sang Midsayap MPS ka gin-alerto man ang mga checkpoint tubtob nga malagas ang suspek sag Barangay Ilbucian sini nga banwa.
Diri kag naaresto ang suspek matapos sini ginhana nga magpalagyo paagi sa pagpanago sa kanal.
Narekober sa lugar ang isa ka unit sang Suzuki FU 150MF kulay pula kag itom nga sang ulihi nahibaluan nga ang motorsiklo amo ang ginkawatr man sa isa ka estudyante sa bahin sang Poblacion 8.
Kinumperma din sa record ng PNP na maka ilang ulit ng nasangkot ang nasabing binatilyo sa serye ng pagnanakaw ng motorsiklo.
Sa karon napreso na ini sa Womens and Childrens Police Desk sang Midsayap MPS kag natalana nga pasakaan sang kasso nga paglapas RA 10883 ukon ang New Anti-Carnapping Law of the Philippine.//s.
