KORONADAL CITY – Naghingyo sang bulig sa Womens and Children’s Protection Desk sang Tacurong city PNP ang amay sang isa ka 13-anyos nga dalagita makaligad nga magpanugid ini nga ginlugos sang iya lolo nga live-in partner sang lola sini.
Sandig sa report, makapila ka beses ang ginhimo nga paglugos sang suspek sa biktima sa mismo nga puluy-an nga ginapuy-an nila nga mag-lola sa Brgy. Monopolo, Kiblawan Davao del Sur.
Suno pa sa biktima, ginahimo sang suspek nga si Alyas Goryo ang pagpanglugos sa iya sa tion nga wala ang lola sini sa ila nga puluy-an.
Akig naman ang amay sang biktima kag nagahinulsol bangud ginsalig nya suno pa ang bata sa iya iloy kag live-in partner sini matapos nga magbulagay sila sang iya asawa masobra 10 ka tuig na ang nakaligad.
Sa subong, yara na sa pag-atipan sang iya amay ang biktima nga may ginasuprer nga balatian kag padayon nga nagapaidalom sa medical treatment.
Pursigido naman ang amay sang biktima nga pasakaan sang kaso ang suspek agud mabayaran sini ang iya nahimo nga sala.
Top
