KORONADAL CITY – Nagdugang sa subong sa sakit sa ulo sang Ministry of Health sang Bangsamoro Region in Muslim Mindanao (MOH-BARMM) ang pila ka mga residente sa ila nga nasakupan, magluwas pa sa ginapangatubang nga krisis sang coronavirus disease.
Gin-ako sang health Minister nga si Dr. Saffrullah Dpatuan bangud sa pila sa ila nga mga frontliners ang nagaantos sa mga pagpangharass kag pagpamahog halin suno pa sa mga residente sa tunga sang ila nga pagpatigayon sang contact tracing.
Ginpahayag sang opisyal nga nagapangakig suno pa ang mga tao sa tion nga pamangkuton sila kon may cintact sila sa isa ka indibidwal nga positibo sa covid-19.
Nahadlok suno pa nga magpadulong ang mga health workers sa ila nga lugar nga makabig nga mga carriers ukon mga nagpositibo sa balatian.
Sa pihak sang tanan, ginpasiguro ni Dipatuan nga padayon sa gihapon sila nga magaserbi kag magatinguha agud tigayon na nga matapna ang pamahog sang covid-19 sa ila nga nasakupan.
