KORONADAL CITY – Positibo ang panan-awan sang MedCann Mindanao nga makalusot sa Congreso kag mangin isa na dalayon nga layi ang pag usar sang Marijuana sa issue medical sang pila ka mga residente sang pungsod.
Sa interview sang Bombo Radyo Koronadal kay Ms. Lexi Acosta, Vice President sang MedCann Mindanao ginpahayag sini nga naga laum ang ila nga organisasyon nga masuportahan sang mga senador ang hagna nga maga tugot sang Marijuana agud nga usaron sang mga may ara sang balatian.
Ginpahayag man sila nga malipayon ang mga ni sa ginpakita nga suporta ni Senator Robinhood Padilla kag Senator Ronald Dela Rosa sa ini nga tikang padulong sa legalisasyon sang nasambit nga hagna.
Ginpahayag man sini nga sa kasamtangan ginakabig nga illegal nga druga ang Marijuana sa Pilipinas kag mahimo dakpon kag mapreso ang madakpan nga naga hupot kag naga usar sini kabangdanan nga nagakaangay man nga amyendaran sang gobyerno ang layi nga nabutang sang RA 9165 ukon ang Comprehensive Dangerous Drugs Act of 2002 agud nga mangin legal ang pag usar sang mga ini sa mga pasyente nga naga kinahanglan sini agud nga mag ayo sa ila nga mga balatian
