KORONADAL CITY- Nagpakita si Koronadal City Mayor Eliordo Ogena sang dako nga suporta sa ginpatigayon nga Dugong Bombo 2019 subong nga adlaw, Nobyembre 16, 2019 dire sa syudad sang Koronadal kag mangin man sa Tacurong City.
Nahibaluan nga temprano pa nga nagpadulong sa venue sa Koronadal City Hall ground ang alkalde sang syudad agud nga tutukan ang blood letting activity kun sa diin mangin ang mga himata sini ang nagpartisipar man sa blood letting activity.
Samtang gindayaw sang alkalde ang maayo nga tinutuyo sang simultaneous blood letting activity sang Bombo Radyo Philippines nga dako ang mabulig sa mga nagapanginahanglan sang dugo ilabi na sa mga kinahanglan masugpunan ang kabubi.
Bangud sini ginkilala sang alkalde ang nangin papel sang Bombo Radyo Koronadal sa pagpatuman sang corporate social responsibility.
