Mayor Ogena, liwat nagpaandam sa mga establisyemento nga nagabayular sa mga health protocol

KORONADAL CITY – Liwat nga nagpaandam si Mayor Elirodo Ogena sa mga etablisiyemnto sa siyudad sang Koronadal nga igapasirado ang mga ini sa tion nga padayon nga magbayular sa mga protocol.

Ini ang may kaangtanan sa padayon nga pagsaka sang covid-19 cases sa siyudad.

Suno kay Mayor Ogena, bangud sa wala nagauntat nga pagsaka sang kaso, magahatag ini sang suporta sa 27 ka barangay kun diin makabaton ang mga ini sang panibag-o nga pasilidad.

Ini bangud ang isolation kag quarantine facility ang isa sa ginahimo nga alternatibo nga tikang agud mapunggan ang paglapta pa sang virus.

Dugang pa sang alkalde may yara man sang operational center hall agud maga-aksyon sa mga dugang nga panginahanglanun sang mga nagapaidalom sa quarantine.