Ginpaklaro ni Mayor Leonard Escobillo nga indi matuod ang nagalapta sa socal media nga ginaalegar nga suno pa isa ka babaye nga dalaga ang ginkuha sang indi makilal-an nga persona sakay sang motorisiklo padulong sa banwa sang Tampakan, South Cotabato.
Suno sa alkalde, pagkatapos maglapta ang balita sa social media, gilayon niya nga ginmanduan ang mga kapulisan nga maghimo sang imbestigasyon kag sa ulihi napamatud-an nga wala sang pamatood nga may natabo nga pagkuha sa isa ka babaye.
Madumduman nga nag-umpisa ang isyu matapos mag-post sa social media si Kapitan Terence Jay Ehimplar sang Barangay Topland nahanungod sa isa ka bata nga kuno ginsakay matapos ginlagas sang isa ka traysikol malapit sa ila lugar pakadto sa banwa sang Tampakan.
Sandig sa imbestigasyon, dapat kuntani manaog ang dalagita sa Brgy. Topland sa Koronadal City, apang ginpati sang driver nga ang ginatumod amo ang Sitio Topland sa Brgy. Buto, Tampakan.
Ginpabutyag nman sang alkalde nga wala sang krimen nga natabo kag ang bug-os nga natabo bunga lamang sang mali nga nga impormasyon.
