KORONADAL CITY- Nagapatigayon sang hugot nga monitoring ang mga katapo sang Armed Forces of the Philippines (AFP) sa Central Mindanao makaligad makumpirmar ang padayon nga recruitment sang mga nabilin nga mga myembro sang Maute-ISIS.
Sa eklusibo nga interbyu sang Bombo Radyo Koronadal kay 6ID spokesperson Army Captain Arvin Encinas, madugay na sila nga may ginamonitor nga recruitment activities sang Maute-ISIS kun sa diin target sang mga ini ang mga buluthuan ilabi na ang mga unibersidad agud makapang-ganyat sang mga bag-o nga mga myembro.
Gina-usar suno pa nila sa pagpang-ganyat sang mga kabataan amuh ang Holy Koran kag Holy Bible.
Sa karun nagapakig-angot na ang militar sa mga unibersidad kag state colleges mangin man sa mga religious leaders agud makapatigayon sang symposium kag mapunggan ang pag-usar sang mga terorista sang relihiyon sa pagpalapnag sang kinagamo sa Mindanao.
