KORONADAL CITY – May presensiya suno pa sang mga armado nga grupo nga ginapatihan Maute inspired group sa probinsiya sang Sultan Kudarat nga ginatutukan subong sang mga otoridad.
Ini ang ginkumpirmar ni Sultan Kudarat Governor Pax Mangudadatu nga amo man ang chairman sang Regional Peace and Order Council (PPOC) sang Region 12.
Suno kay Governor Mangudadatu, gikan sa banwa sang Palimbang, nagsaylo sa nabukid nga bahin sang mga banwa sang Isulan kag Bagumbayan ang nasambit nga grupo bangud sa luyag suno pa nga sundon sang mga ini ang Maute group nga nagtuga sang kinagamo sa Marawi City.
Apang, indi pa mapahayag sang mga otoridad kun ano kabaskog ang grupo apang madamo suno pa ang myembro sini nga lunsay mga armado.
Plano man sang mga armado nga buligan ang mga Maute nga magpatigayon sang kalakasan sa Marawi City.
Kaangot sini, ginpasiguro sang opisyal ang hugot nga monitoring nga ginapatigayon sang militar kag kapulisan agud nga indi makatuga pa sang kalakasan.
Kalakip sa mga ginmandu sang gobernador ang hugot nga monitoring sa mga check points pasulod kag paguwa sa Sultan Kudarat.
Matatandaan na isa ang lalawigan ng Sultan Kudarat na may ipinapatupad na curfew dahil sa implementasyon ng Martial Law.
